"رسالة إلي راندا".

في تلات رسايل ما اتكتبوش:

رسالة إلي رضوي عاشور بعد ما رحلوا ابنها تميم.
رسالة إلي ريم نجيب أحكيلها عن 20و 21 مارس.
رسالة إلي مظفر النواب اشكيله يوم 9 ابريل.
فاسمحيلي أكتبلك رسالة أحاول الضم فيها التلات رسايل.

- كنت ناوي أقول لرضوي اعتبرينا ولادك جملة عادية...بس حقيقية... أكيد كنا حنحكيلها عن دراستنا عن حكاوي البنات...عن هموم وطن وده عجين كافي لخلق واد شقي يفضل يناكف في أمه ولكن يفضل سؤال
هما الولاد دول يستحقوا أم جميلة كرضوي؟ .

- كنت ناوي أحكي لريم عن 20و 21مارس: أن أحنا ماقعدناش في التحرير وبس وغنينا لأمام وفيروز ومارسيل.. أحنا حررنا التحرير و أصبح ملكنا 12ساعة نفعل فيها ما نشاء كان نفسي تبقي موجودة مع انك كنتي موجودة في وشوش ناس كتير...فلا شئ يحدث في هذا العالم بالصدفة كثير من أطفالك أطفال الشوارع اللي حبتيهم وزعوا علينا كحك بعجوة كلت منه كتير واتمنيتك ساعتها وحشاني .

- كنت ناوي اشكي لمظفر انه قال:
علمني زمن في العراق بأن الدماء هي الآخرة.
وحين يطوق الصعيد قصر المماليك
لست أبالغ يجتمع الله في الناصرة.
فهل سأنتظر الآخرة كثيرا....أحن إلي أن يطوق الصعيد القصر.
ودعونا نهتف تسقط أمريكا وجيوش أمريكا
وعاش العراق.

رسالة ليك مش عارف ليه؟ بس ضحكتك اللي خلتني أمسك القلم وأكتب التلات رسايل من جوه ضحكتك اللي ماعرفش عنها كتير واتمني تدوم وتدوم وتجلجل كمان وكمان.

خالد
يونيو 2003

هامش :

رسالة عمرها اربع سنين ومكنتش بجد شوفت راندا غير مرة واحدة